თბილისში, დოლიძის ქუჩაზე სროლა იყო. მომხდარის შედეგად დაჭრილია ერთი პირი. არსებული ინფორმაციით, მამაკაცი სამედიცინო დაწესებულებაში იმყოფება. შემთხვევა დაახლოებით, 3-4 საათის წინ მოხდა. ინფორმაციას ინტერპრესნიუსი ავრცელებს.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 117-ე მუხლით დაიწყო, რაც სხეულის განზრახ მძიმე დაზიანებას გულისხმობს და 236-ე მუხლით, რაც ცეცხლსასროლი იარაღის უკანონო შეძენა-შენახვა ტარებას გულისხმობს.

თვითმხილველი ტვ პირველს უყვება, რომ მინიმუმ 4 გასროლის ხმა გაიგო. შემთხვევის ადგილს სისხლის კვალი ამ დრომდე ეტყობა. მთავარი მტკიცებულება საბურავია, რომელიც ექსპერტიზაზე უნდა წაიღონ, რადგან თავდამსხმელების მიერ ნასროლი ტყვია სავარაუდოდ საბურავს მოხვდა.