ბერძნული სოფლის ნანგრევები, რომელიც ათწლეულების განმავლობაში ჩაძირული იყო, კვლავ გამოჩნდა მას შემდეგ, რაც ტემპერატურის რეკორდულმა მაჩვენებელმა წყლის დაშრობა გამოიწვია.

40 წლის წინ სოფელ კალიოს მაცხოვრებლები იძულებულნი გახდნენ დაეტოვებინათ სახლები, რათა ამ ტერიტორიაზე, სამხრეთ საბერძნეთში, მორნოსის კაშხალი აგებულიყო, რომელიც ქალაქ ათენს წყლით ამარაგებს.

ფოტო: BBC

თუმცა, ბოლო თვეებში გვალვამ წყალსაცავში წყლის დონის მკვეთრი ვარდნა გამოიწვია, რის შედეგადაც რამდენიმე სახლისა და სკოლის ნანგრევები გამოჩნდა.

სოფლის ძველი მაცხოვრებლების თქმით, კალიოს მიტოვების შემდეგ, სოფელი უკვე მეორედ ნახეს. პირველად ეს 1990-იან წლებში, ძლიერი გვალვის პერიოდში მოხდა.

აღსანიშნავია, რომ ჯერ კიდევ მაშინ, როდესაც ამ სოფელში ცხოვრობდნენ, ის 80-მდე სახლისგან, ეკლესიისა და სკოლისგან შედგებოდა.