აშშ-ის ყოფილი პრეზიდენტი, დონალდ ტრამპი Facebook-ის დამფუძნებელს და Meta-ს აღმასრულებელ დირექტორს, მარკ ზაკერბერგს გამარჯვების შემთხვევაში, დაპატიმრებით ემუქრება — ამის შესახებ მან თავის სოციალურ ქსელში დაწერა.

ტრამპის თქმით, მარკ ზაკერბერგი ცნობილი დამნაშავე და თაღლითია, რომელმაც საპრეზიდენტო არჩევნების გაყალბებაში მიიღო მონაწილეობა და 2021 წელს ჯო ბაიდენს გამარჯვების საშუალებას მისცა.

"მე მხოლოდ იმის თქმა შემიძლია, რომ ჩემი გამარჯვების შემთხვევაში, მკაცრად მივადევნებთ თვალს არჩევნების გაყალბების საკითხს და დამნაშავეები დიდი ხნით წავლენ ციხეში. ჩვენ უკვე ვიცით ვინ ხართ, ფრთხილად იყავი ზაკერბერგ", — წერს დონალდ ტრამპი.

ცნობისთვის, დონალდ ტრამპსა და მარკ ზაკერბერგს შორის დაპირისპირება 2021 წლიდან გრძელდება. 2021 წლის 6 იანვარს Meta-მ ტრამპის ანგარიშები წაშალა.

ასევე იხილეთ: ტრამპს Facebook-ზე წვდომა "განუსაზღვრელი დროით" შეეზღუდება — ცუკერბერგი

ზაკერბერგი მაშინ ამბობდა, რომ არჩევნებში დამარცხებული ტრამპი გამომწერებს კაპიტოლიუმის შენობაზე თავდასხმისა და ძალადობისკენ მოუწოდებდა, რაც Meta-ს ეთიკის კოდექსის საწინააღმდეგო ქმედება იყო, ამიტომ სოციალური ქსელის ადმინისტრაციას ტრამპის დაბლოკვა მოუწია.