ლიტერატურის უზარმაზარ სამყაროში არსებობს გარკვეული ნაშრომები, რომლებიც სცილდება დროს და სხვადასხვა ეპოქაში დაბადებულ ადამიანებზე თანაბარი სიმძაფრით მოქმედებს. შეუძლებელია, ამ ნაშრომების ისეთი სია შეიქმნას, რომელსაც ყველა ლიტერატურით გატაცებული ადამიანი დაეთანხმება, თუმცა რამდენიმე მცდელობა საკმაოდ წარმატებული აღმოჩნდა.

2021 წლის ოქტომბერში The New York Times-მა ჩაატარა გამოკითხვა. გამოცემის რედაქტორებმა მკითხველებს სთხოვეს, ბოლო 125 წელში გამოცემული საუკეთესო წიგნები შეერჩიათ. გამოკითხვაში მონაწილეობა მსოფლიოს მასშტაბით ათასობით ადამიანმა მიიღო, რომლებმაც საწყის ეტაპზე ხმა ათასობით რომანს, მემუარსა თუ პოეზიის კრებულს მისცეს. საბოლოოდ კი, 25 რჩეული წიგნი გამოვლინდა.

აღნიშნულ ჩამონათვალში მოხვდა ისეთი ნაწარმოებები, როგორებიცაა ჯორჯ ორუელის 1984; ენტონი დოერის ნათელი, რომელსაც ვერ ვხედავთ; ტონი მორისონის საყვარელი და სხვა. სიაში მოხვედრილი წიგნების უმრავლესობა სხვადასხვა ეპოქაშია დაწერილი, თუმცა მათში ასახული სოციალურ-პოლიტიკური საკითხები ყოველთვის აქტუალური რჩება. აღსანიშნავია, რომ The New York Times-ის გამოკითხვის დასრულების შემდეგ მკითხველის რჩეული წიგნები ერთი სერიის ქვეშ არ გამოცემულა.

მსგავსი გამოკითხვა წლების წინ ჩაატარა გამომცემლობა პალიტრა L-მაც, რომლის შედეგებითაც შეიქმნა ერთ-ერთი ყველაზე წარმატებული ლიტერატურული პროექტი 50 წიგნი, რომელიც უნდა წაიკითხო, სანამ ცოცხალი ხარ. პროექტის შექმნიდან 15 წლის შემდეგ მკითხველი ისევ აგრძელებს მასში გაერთიანებული წიგნების შეგროვებას. თავისუფლად შეიძლება ითქვას, რომ ეს არის სერია, რომელიც თაობების მანძილზე ოჯახებისთვის ლიტერატურულ საგანძურად იქცა.

პალიტრა L-მა გადაწყვიტა, ლიტერატურული საგანძურის ძიება გაეგრძელებინა და სწორედ ამ მიზნით დაიწყო ახალი სერია სახელად კიდევ 15 წიგნი, რომელიც უნდა წაიკითხო სანამ ცოცხალი ხარ.

სერიის დაწყებამდე პალიტრა L-მა მკითხველის მოსაზრებებისა და განწყობების შესწავლა დაიწყო, რისთვისაც სხვადასხვა მედიაარხი გამოიყენა. გამოკითხვები 2023 წლის მაისში დაიწყო და დღემდე გრძელდება. ამ ეტაპზე მონაწილეობა 10 000-ზე მეტმა ადამიანმა მიიღო.

ვინც პალიტრა L-ის სიახლეებს თვალს ადევნებს, არ გამოეპარებოდა, რომ სერიის პირველი ხუთი წიგნი მკითხველმა უკვე შეარჩია და ბიბლუსის მაღაზიებსა და პალიტრა L-ის საიტზე ხელმისაწავდომია.

სერიაში შემდეგი წიგნები გაერთიანდა:

• ანე ფრანკი - უკანა სახლი დღიური წერილების სახით

• მარგარეტ ეტვუდი - მხევლის წიგნი

• ალექსანდრე დიუმა - ქალი ხავერდის ყელსაბამით

• კაზუო იშიგურო -არასოდეს გამიშვა

• პოლ ოსტერი - ნიუიორკული ტრილოგია

თუ გსურთ, რომ 15 წიგნის შერჩევაში თქვენი წვლილი შეიტანოთ, არ დაგავიწყდეთ, რომ სერიის შემდეგი ტომებისთვის გამოკითხვა სხვადასხვა არხზე კვლავ აქტიურად მიმდინარეობს.

შეგიძლიათ მოგვწეროთ მეილზე: [email protected] ან დაგვიკავშირდეთ ნომერზე: 238 84 44 ან გადადით ბმულზე.

პალიტრა L-ისთვის მნიშვნელოვანია, თავისი მკითხველის აზრი გაიგოს და შექმნას სერია, რომელიც ყველა მკითხველის თაროს დაამშვენებს. ამიტომ, გელოდებით!