სიახლეებით, საინტერესო ამბებითა და ინტერვიუებით დატვირთული მორიგი კვირაც დამთავრდა. ამ კვირაში ჭარბობდა ცნობილი ადამიანების განცხადებები — საკუთარ სექსუალობაზე, ჰოლივუდის სექსიზმზე, სილამაზის არარეალისტურ სტანდარტებზე და სხვა. პოპკულტურის მსგავსი ამბები რომ არ გამოგრჩეს, ტრადიციულად, ერთ სტატიად შეჯამებულ კვირას გთავაზობთ.

1. გარფილდზე გადაღებული მორიგი ფილმის ტრეილერი გავრცელდა

The Garfield Movie კიდევ ერთი ანიმაციური ფილმია ყველასათვის საყვარელი და პრეტენზიული ფისოს შესახებ, რომელსაც მაყურებელი მალე იხილავს. მისი ტრეილერი უკვე გამოვიდა და ისიც ცნობილი გახდა, რომ ბუზღუნა გარფილდს მსახიობი კრის პრატი გაახმოვანებს.

უფრო ვრცლად წაიკითხე აქ.

2. უახლეს ინტერვიუში ბილი აილიშმა თავის იდენტობაზე ღიად ისაუბრა

Variety-თან ინტერვიუში 21 წლის მომღერალმა საკუთარი სექსუალური ორიენტაციისა და სხვა ისეთი საკითხების შესახებ ისაუბრა, რომლებიც აილიშის გულშემატკივრებისთვის აქამდე ცნობილი არ იყო. მუსიკოსი სხვა ქალებთან ურთიერთობასა და თავის ცხოვრებაში ქალების როლსაც შეეხო.

უფრო ვრცლად წაიკითხე აქ.

3. ბალენსიაგას ახალმა, $925-იანმა პირსახოცის ქვედაბოლომ ყველა აალაპარაკა

ხაოიანი პირსახოცის ქვედაბოლო ბალენსიაგას 2024 წლის საგაზაფხულო კოლექციაში შედის, სამოსის ფასი კი $925-ს შეადგენს. როგორც ვებგვერდზე გამოქვეყნებული აღწერიდან ვიგებთ, მუხლამდე სიგრძის ქვედაბოლო უნისექსია, პირსახოცის ზედაპირზე კი ბალენსიაგას ლოგოცაა ამოქარგული. სამოსს წელზე მოსარგებად 2 ღილი აქვს, დასარეგულირებლად კი ქამარიც მოჰყვება.

უფრო ვრცლად წაიკითხე აქ.

4. Friends-ის მსახიობები მეთიუ პერის გამოემშვიდობნენ

სიტკომ Friends-ის მსახიობი და ჩენდლერის როლის შემსრულებელი მეთიუ პერი 28 ოქტომბერს, 54 წლის ასაკში გარდაიცვალა. სერიალის ვარსკვლავები ჯენიფერ ენისტონი, ლიზა კუდროუ და დევიდ შვიმერი პერის გარდაცვალებას ინსტაგრამზე გამოეხმაურნენ და მეგობარს ემოციური სიტყვებით დაემშვიდობნენ.

უფრო ვრცლად წაიკითხე აქ.

5. ცნობილი გახდა, რომ მაკოლეი კალკინს ჰოლივუდის დიდების ხეივანში ვარსკვლავს გაუხსნიან

"მარტო სახლში მსოფლიოში ერთ-ერთი ყველაზე საყვარელი საახალწლო ფილმია", — ვკითხულობთ ოფიციალურ განცხადებაში, სადაც ასევე აღნიშნულია, რომ ვარსკვლავის გახსნაზე სიტყვით მსახიობი კეტრინ ო'ჰარა გამოვა, რომელიც ფილმებში კევინის დედის როლს ასრულებს.

უფრო ვრცლად წაიკითხე აქ.

6. ადრიანა ლიმამ გარეგნობასთან დაკავშირებულ უხეშ კომენტარებს უპასუხა

"ასე გამოიყურება დაღლილი დედა, რომელსაც სახლში თინეიჯერი გოგო, ორი თინეიჯერობამდე ასაკის ბავშვი და 1 წლის პატარა აქტიური ბიჭი ჰყავს, რომელიც სიარულს ახლა სწავლობს, ასევე 3 ძაღლიც. დიდი მადლობა შეშფოთებისთვის", — წერს ადრიანა ლიმა ინსტაგრამზე და უმაკიაჟო ფოტოს აქვეყნებს.

უფრო ვრცლად წაიკითხე აქ.

7. ბრიტნი სპირსმა ტეილორ სვიფტზე ისაუბრა

"ოთახში შემოვიდა, გიტარაზე დაუკრა და ლამაზი სიმღერაც შეასრულა, მე კი გაოცებული ვუყურებდი და ეს ყველაფერი დაუჯერებლად მეჩვენებოდა. მაშინ ფოტო გადავიღეთ, მოგვიანებით კი ტეილორი ჩვენი თაობის საკულტო პოპმომღერალი ქალი გახდა", — ჰყვება ბრიტნი.

უფრო ვრცლად წაიკითხე აქ.

8. ენ ჰეთეუეიმ ჰოლივუდის სექსიზმზე ისაუბრა

"როცა ბავშვობაში მსახიობობა დავიწყე, გამაფრთხილეს, რომ ჩემი კარიერა 35 წლის ასაკში დასრულდებოდა. ვიცი, რომ ამას ბევრ ქალს ეუბნებიან", — აღნიშნავს ოსკაროსანი მსახიობი უახლეს ინტერვიუში.

უფრო ვრცლად წაიკითხე აქ.

9. სერიალი Shadow and Bone ნეტფლიქსზე ორი სეზონის შემდეგ დაიხურა

სერიალის პოპულარობის მიუხედავად, შეწყდა მუშაობა მის სპინ-ოფზეც, რომლის სცენარი უკვე დასრულებული იყო. Shadow and Bone-თან ერთად, ნეტფლიქსმა არაერთი სხვა სერიალიც დახურა. გადაწყვეტილებას წინ უძღოდა აშშ-ში სცენარისტებისა და მსახიობების რამდენიმეთვიანი გაფიცვა.

უფრო ვრცლად წაიკითხე აქ.

10. ნიკოლ კიდმანმა Big Little Lies-ის მე-3 სეზონი დააანონსა

სერიალში მონაწილე ავსტრალიელი მსახიობი და პროექტის ერთ-ერთი აღმასრულებელი პროდიუსერი ნიკოლ კიდმანი ამბობს, რომ ლიან მორიარტის რომანის ეკრანიზაციას მე-3 სეზონიც ექნება.

უფრო ვრცლად წაიკითხე აქ.