ფოთში, გვიან ღამით, გარემოვაჭრეთა დახლების აღებამ პროტესტი გამოიწვია. გარემოვაჭრეებმა დილით ქუჩის გადაკეტვა სცადეს, ერთ-ერთი მათგანი შეუძლოდ გახდა, რის გამოც გამოიძახეს სასწრაფო სამედიცინო დახმარება.

რუსთავი 2-ის ინფორმაციით, გარემოვაჭრეები ითხოვენ, რომ ქალაქის ხელმძღვანელობამ მათ მუშაობის უფლება მისცეს. ფოთის ხელმძღვანელობა აცხადებს, რომ მათ გარემოვაჭრეებს მუშაობა ბაზრობის ტერიტორიაზე, შეღავათიანი პირობებით შესთავაზეს.