კასპში, ქვის სატეხ საამქროებში მუშაობისას, ორმა ადამიანმა ხელის კიდურები დაკარგა. ორივე შემთხვევა აპრილში მოხდა. ინფორმაციას შიდა ქართლის საინფორმაციო ცენტრი აქვეყნებს.

9 აპრილს, ჰაიდელბერგცემენტის ქარხანაში, 52 წლის კაცს დაზგაში ხელი ჩაჰყვა. მას ხელის ამპუტაცია დასჭირდა.

მეორე შემთხვევა სოფელ გომთან, მდინარე ლეხურას ნაპირზე, მდებარე საამქროში მოხდა, სადაც ხელი 32 წლის კაცმა დაკარგა.

აღნიშნულ ქარხანაში აცხადებენ, რომ მკურნალობის ხარჯები საწარმომ დაფარა, დაზარალებულს კი კვლავ დაასაქმებენ "მსუბუქ სამუშაოზე":

"დასაქმებას დავპირდით, იქ, სადაც მხოლოდ ღილაკზე იქნება ხელის დაჭერა საჭირო".

ჰაიდელბერგცემენტი დაშავებული მუშის მდგომარეობის შესახებ ინფორმაციას მოგვიანებით გაავრცელებს.