რუსთავის პენიტენციურ დაწესებულებასთან, სადაც სავარაუდოდ ექსპრეზიდენტი მიხეილ სააკაშვილი გადაიყვანეს, წყლის ჭავლის მანქანა გამოჩნდა. ადგილზე შეკრებილი არიან ექსპრეზიდენტის მხარდამჭერები. აღნიშნული მთავარი არხის მიერ გავრცელებულ კადრებში ჩანს.

რამდენიმე საათის წინ სააკაშვილის ადვოკატებმა განაცხადეს, რომ სააკაშვილი გორის ჰოსპიტლიდან გაიყვანეს. გვარამიამ დაწერა, რომ სააკაშვილი გაიტაცეს და უცნობი მიმართულებით წაიყვანეს.

ექსპრეზიდენტის კიდევ ერთი ადვოკატის, შოთა თუთბერიძის განცხადებით, ინფორმაცია სავარაუდო გადაყვანაზე ადგილობრივებისგან მიიღეს, რომლებიც პროცესს შეესწრენ. ფორმულას ეთერში მან განაცხადა, რომ უცნობია, სად გადაჰყავთ სააკაშვილი, მაგრამ ივარაუდა, რომ ის რუსთავის ციხეში მიჰყავთ.