მეტრო სარაჯიშვილის მიმდებარედ, ტროტუარზე, ორ ქვეითს BMW X5-ის მარკის ავტომობილი დაეჯახა.

დაზარალებულების დასახმარებლად საჭირო გახდა სასწრაფო დახმარების გამოძახება. ადგილზე მისული იყო პოლიციაც.

ავტომობილი, რომელიც ქვეითებს დაეჯახა, საჯარიმოზე გადაიყვანეს. შინაგან საქმეთა სამინისტრომ გამოძიება დაიწყო სისხლის სამართლის კოდექსის 276-ე მუხლის პირველი ნაწილით, რაც ავტოსაგზაო შემთხვევისას ნაკლებად მძიმე დაზიანებას გულისხმობს.

ფოტო: თაზო კუპრეიშვილი / On.ge