საიას თავმჯდომარე, ნიკა სიმონიშვილი Facebook გვერდზე წერს, რომ პრემიერმინისტრი ირაკლი ღარიბაშვილი ყოველდღიურად საკუთარი სამართლის წიგნს წერს. მისი თქმით, კანონში არსად წერია, რომ ადამიანს თვითმკველობის უფლება აქვს.

"სიცოცხლის უფლება თვითმკვლელობის უფლებას არ მოიცავს. სახელმწიფოს არათუ არ აქვს უფლება, არ დაიცვას ჩვენი სიცოცხლის უფლება, არამედ აქვს პირდაპირი ვალდებულება, მიიღოს ყველა ზომა იმისთვის, რომ ეს უფლება იყოს გარანტირებული. ფაქტობრივად ყოველდღიურად საკუთარი სამართლის წიგნს წერს, თავი მეფე ჰგონია", — წერს სიმონიშვილი.

გუშინ, 28 ოქტომბერს ექსპრეზიდენტ მიხეილ სააკაშვილის შიმშილობაზე საუბრისას პრემიერმინისტრმა ირაკლი ღარიბაშვილმა თქვა, რომ ადამიანებს თვითმკვლელობის უფლება აქვთ და სახელმწიფო ამაზე ვერ აიღებს პასუხისმგებლობას.

მიხეილ სააკაშვილი პირველ ოქტომბერს, მას შემდეგ დააკავეს, რაც სოციალურ ქსელში ვიდეო გაავრცელა, სადაც ჩანდა, რომ საქართველოში იმყოფებოდა. ის 29 დღეა შიმშილობს.