გერმანიის კანცლერი, ანგელა მერკელი მოსკოვში რუსეთის პრეზიდენტს, ვლადიმერ პუტინს ხვდება. DW-ის ინფორმაციით, შეხვედრა შეეხება ისეთ საკითხებს, როგორებიცაა ვითარება ავღანეთსა და ბელარუსში, ჩრდილოეთის ნაკადი 2-ის ბედი, რუსი ოპოზიციონერი, ალექსეი ნავალნის მოწამვლის საქმის გამოძიება და სხვა.

DW-ის განცხადებით, შეხვედრა, სავარაუდოდ, 2 საათს გაგრძელდება და დასრულების შემდეგ, საერთო კონფერენცია იქნება. კონფერენციის შემდეგ, მერკელი ბერლინში დაბრუნდება.

გამოცემის ცნობით, პუტინთან შეხვედრამდე მერკელმა უცნობი ჯარისკაცის საფლავი ყვავილებით შეამკო. ეს მერკელისთვის კანცლერის სტატუსით მოსკოვში ბოლო ოფიციალური ვიზიტი იქნება. პუტინსა და ანგელა მერკელს შორის ბოლო შეხვედრა 2020 წლის იანვარში შედგა.