ნაციონალური მოძრაობის ერთ-ერთი ლიდერი, ხატია დეკანოიძე ქართული ოცნების დეპუტატ სოზარ სუბარს პასუხობს და აღნიშნავს, რომ სასოწარკვეთილები თავად არიან.

"სასოწარკვეთილები თვითონ არიან. ამას ადასტურებს პროკურატურის განცხადება ნიკასთან [მელია] დაკავშირებით. ეს განჩინება, რომელზეც აპელირებენ საერთოდ აღარ არსებობს, იმიტომ, რომ აღკვეთის ღონისძიება უკვე შეფარდებულია და აღსრულებაზეც მოიყვანეს, რაც სამართლებრივად აბსურდია", — განაცხადა დეკანოიძემ პლატფორმა Clubhouse-ში On.ge-ს კითხვის პასუხად.

სუბარმა პალიტრანიუსის ეთერში 26 თებერვალს თქვა, რომ რუსთაველის გამზირზე დღეს გამართული აქცია სასოწარკვეთილი ოპოზიციის სასოწარკვეთილი ნაბიჯი იყო.

26 თებერვალს რუსთაველის გამზირზე, პარლამენტის შენობის წინ ნაციონალური მოძრაობის თავმჯდომარის, ნიკა მელიას გათავისუფლების მოთხოვნით აქცია გაიმართა. მელიას გათავისუფლების გარდა, ოპოზიციის ლიდერებმა რიგგარეშე არჩევნების დანიშვნისა და ნიკა რურუას გათავისუფლების საკითხი კიდევ ერთხელ დააყენეს.

გაიგეთ მეტი: