დონალდ ტრამპმა Fox News-სთვის მიცემულ ინტერვიუში განაცხადა, რომ მას მოსწონს ამერიკის ყოფილი პრეზიდენტი ბარაკ ობამა, რომლის მიმართაც აქამდე მწვავე განცხადებებით გამოირჩეოდა.

"ეს ძალიან უცნაური ფენომენია, ერთად კარგად ვართ. არ ვიცი ის ამას აღიარებს თუ არა, მაგრამ მოვწონვარ, მეც მომწონს".

ჟურნალისტის კითხვაზე, საიდან იცის, რომ ობამას ის მოსწონს, ტრამპმა უპასუხა:

"იქედან, რომ მე ამას ვგრძნობ. ჩემს ცხოვრებაში სულ ასე ხდება. ასე ვთქვათ, ვხვდები".

ტრამპმა ასევე თქვა, რომ ობამა უფრო მეტად ატარებდა ჰილარის წინასაარჩევნო კამპანიას, ვიდრე თავად ჰილარი:

"ობამა კამპანიის დროს ჩემს მიმართ ძალიან ბოროტი იყო და ასეთივე ვიყავი მე მის მიმართ. ჩვენ საშინელი რამეები ვთქვით ერთმანეთზე და შემდეგ უეცრად ერთ მანქანაში ჩავხტით და პენსილვანიის ავენიუსკენ გავეშურეთ და წარსულზე არც კი გვილაპარაკია. პოლიტიკა საოცარი რამაა" - განაცხადა ამერიკის 45-ე პრეზიდენტმა.