საზოგადოებრივი მაუწყებლის სტრატეგიული განვითარების ხელმძღვანელი მწერალი და ესეისტი პაატა ქურდაძე გახდა. როგორც დღეს არხის გენერალურმა დირექტორმა, ვასილ მაღლაფერიძემ განაცხადა ქურდაძე მის შეთავაზებას დათანხმდა.

მაშინ, როცა განიხილებოდა ქურდაძის კანდიდატურა საზოგადოებრივი მაუწყებლის გენერალურმა დირექტორმა, ვასილ მაღლაფერიძემ ახალი თანამშრომლის შერჩევის კრიტერიუმად პროფესიონალიზმი და გამოცდილება დაასახელა.

„პაატა ქურდაძე შევარჩიე პროფესიონალიზმის გამო, უზარმაზარი გამოცდილება აქვს - არაერთი ქვეყნის ტელევიზიაში მუშაობის და აქვს ძალიან საინტერესო ხედვები. ძალიან კარგად იცნობს ამ საქმეს,“ - აღნიშნა ვასილ მაღლაფერიძემ მაშინ.

საზოგადოებრივი მაუწყებლის გენერალურ დირექტორად არჩევის შემდეგ ვასილ მაღლაფერიძის მრჩეველი ია ანთაძეც გახდა. ის მაღლაფერიძეს რჩევებს საზოგადოებრივ-პოლიტიკური გადაცემებისა და საზოგადოებასთან ურთიერთობის კუთხით აძლევს.