მექსიკა არ გადაიხდის დონალდ ტრამპის კედლის აშენების საფასურს. მექსიკის პრეზიდენტის ამ განცხადებაზე ინფორმაციას BBC ავრცელებს.

პრეზიდენტმა პენა ნიეტომ სატელევიზო ეთერით ხალხს მიმართა და თქვა: "ბევრჯერ მითქვამს და კიდევ ვამბობ, მექსიკა არ გადაიხდის არანაირი კედლისთვის. ვნანობ და ვგმობ შეერთებული შტატების გადაწყვეტილებას, გააგრძელოს კედლის კონსტრუქცია, რომელიც წლების განმავლობაში გვყოფდა, გაერთიანების ნაცვლად."

ორი ქვეყნის პრეზიდენტების შეხვედრა 31 იანვარსაა ჩანიშნული.

პრეზიდენტმა ტრამპმა მექსიკასთან კედლის აშენების ბრძანებას, ოფიციალურად, ხელი გუშინ, 25 იანვარს მოაწერა და განაცხადა, რომ აშენების საფასურს მექსიკა გადაიხდიდა.

3 ათას კილომეტრიანი კედლის აშენება მექსიკის საზღვარზე, ტრამპის კამპანიის ერთ-ერთი ყველაზე მნიშვნელოვანი დაპირება იყო.