მარნეულის სოფელ დამია გეორარხში მე-18 უბანზე შემაჯამებელი ოქმი დაიკარგა. ხმების დათვლის პროცესი შეფერხებულია. საოლქო კომისიის თავმჯდომარის თქმით, უბნის თავმჯდომარემ განაცხადა, რომ პოლიციას მომხდარის შესახებ აცნობა და ამ დროისთვის რეაგირებას ელოდებიან.

"მივეცი ჟურნალი, ოქმებიც შიგ ჩავუდე, ფაილიც მივაწოდე, რომ ოქმები ჩაედოთ, მაგრამ არ გამომართვეს, გვაქვსო. პოლიციამ გააცილა და მერე დამირეკა თავმჯდომარემ, ჟურნალი ხომ არ გაგყოლიაო. მერე მითხრეს, რომ, შესაძლოა, უბანზე დარჩათ. მიბრუნებასა და გადამოწმებას აპირებდნენ. მას შემდეგ რა მოხდა, ინფორმაცია აღარ მაქვს", — განაცხადა საუბნო საარჩევნო კომისიის მდივანმა, ელზა ლურსმანიშვილმა.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: