პრემიერმინისტრის გიორგი გახარიას განცხადებით, 18 მაისიდან სამ ადამიანზე მეტი შეკრების შეზღუდვა მოიხსნება. ეს შეეხება როგორც დახურულ, ისე ღია სივრცეებს. ამის შესახებ მან მთავრობის სხდომაზე განაცხადა.

ამავე დროს, მანქანით სამი ადამიანის გადაადგილების შეზღუდვა კვლავ ძალაში რჩება.

"ამ შეზღუდვას მიუხედავად ყველაფრისა, აქვს ძალზე მნიშვნელოვანი ეპიდემიოლოგიური აზრი, რასაც ჩვენ ექიმები გვარწმუნებენ და ჩვენი მათი გვჯერა, მოგეხსენებათ", — ამბობს გახარია.

გარდა ამისა, ცნობილი გახდა, რომ 18 მაისიდან სილამაზის სალონები და ესთეტიკური ცენტრები გაიხსნება. ორშაბათიდანვე მარნეულში კარანტინი მოიხსნება.

ბოლო მონაცემებით, საქართველოში კორონავირუსით ინფიცირების კიდევ 5 შემთხვევა გამოვლინდა და ჯამში ინფიცირებულთა რიცხვი 652 გახდა. მათგან გამოჯანმრთელებულია 383 ადამიანი, 12 კი გარდაიცვალა. კარანტინის რეჟიმში 4 246 ადამიანი იმყოფება, სტაციონარში მეთვალყურეობის ქვეშ კი 394.