დიდი ბრიტანეთის პრემიერ-მინისტრი ბორის ჯონსონი, რომელსაც კორონავირუსი აქვს საავადმყოფოში რჩება. როგორც დაუნინგ სტრიტი აცხადებს, ჯონსონმა საავადმყოფოში "კომფორტული ღამე" გაატარა და თავს კარგად გრძნობს.

გარდა ამისა, დაუნინგ სტრიტზე არ უარყოფენ, რომ პრემიერს ჟანგბადით მკურნალობა დასჭირდა, თუმცა სხვა ინფორმაციას არ ავრცელებენ.

სანამ ბორის ჯონსონი საავადმყოფოში რჩება, კორონავირუსზე ყოველდღიურ შეხვედრებს საგარეო საქმეთა მინისტრი, დომინიკ რააბი უხელმძღვანელებს.

დიდი ბრიტანეთის პრემიერ-მინისტრი გამოკვლევებისთვის კლინიკაში 5 აპრილს გადაიყვანეს. მედიის ინფორმაციით, ჯონსონს ეს რეკომენდაცია ექიმმა მისცა, რადგან ვირუსის დადასტურებიდან 10 დღის შემდეგ მას ისევ აქვს სიმპტომები, მათ შორის, მაღალი ტემპერატურა.

ამ დრომდე ბორის ჯონსონი თვითიზოლაციაში იმყოფებოდა და აგრძელებდა მთავრობის მეთაურის მოვალეობის შესრულებას.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: