პარლამენტმა სახელმწიფო უსაფრთხოების სამსახურის ხელმძღვანელად გრიგოლ ლილუაშვილი დაამტკიცა. მის კანდიდატურას მხარი 85-მა დეპუტატმა დაუჭირა, რვა კი წინააღმდეგი იყო.

მის კანდიდატურას პარლამენტის პლენარულ სხდომაზე განხილვის გარეშე უყარეს კენჭი. ლილუაშვილი ამ თანამდებობაზე ექვსი წლის ვადით დამტკიცდა.

ამ თანამდებობაზე ლილუაშვილმა ვახტანგ გომელაური შეცვალა, რომელიც შინაგან საქმეთა მინისტრის პოსტზე დაინიშნა.