ლეიბორისტული პარტიის ლიდერი, შალვა ნათელაშვილი ამბობს, რომ ქართულ ოცნება გასულ ღამეს მხარდამჭერებს გარკვეულ თანხებს უხდიდა, არჩევნების შედეგები კი ივანიშვილის შეკვეთით გაყალბდა:

"მთელი რამე ფული რიგდებოდა წუხელ. ამ ფულის დარიგებეში მონაწილეობდნენ მთელი უშიშროების სამსახურები. მთელი ოპერატიული სამსახურები, მაგათი აქტივი. სიები წინასწარ ჰქონდათ გამზადებული, ვინ იყო თანახმა, რომ აეღო ეს იუდას ვერცხლი სამშობლოს გაყიდვაში. და შემდეგ ტოტალურად იმოქმედეს ისე, როგორც ბიძინა ივანიშვილმა პროცენტები ჩამოწერა. ამას გვიცხადებს ჩვენ ეს კენტავრის მსგავსი ქალბატონი, ცესკოს თავჯდომარე ჩვენ. ჩვენ გვაინტერესებს, რომ ივანიშვილის სახსენებელიც არ იყოს საქართველოში და ამას მე გავუკეთებ. მან გაითვალისწინოს, რომ ორი მთავრობა გავისტუმრე საიქიოს, ერთი ნაღდში და მეორე ისე, არანაღდში. და ამას კიდევ რა ელოდება, ამის თქმაც არ მინდა ტელევიზიით, ნახავს თვითონ უახლოეს ხანებში".