მედიის განვითარების ფონდი 2016 წლის ანგარიშს აქვეყნებს, რომელიც მედიის თავისუფლების მხრივ საქართველოში არსებულ მდგომარეობას მიმოიხილავს. ანგარიში 2016 წლის 1 იანვრიდან 23 სექტემბრის ჩათვლით პერიოდს მოიცავს.

ანგარიშში აღნიშნულია, რომ ტელემაუწყებლების შემოსავლებმა 2016 წლის პირველ კვარტალში 2015 წელთა შედარებით, 1,7 მლნ ლარით იკლო და სულ 41,7 მლნ ლარი შეადგინა.

MDF-ის, მონაცემებით, ბაზარზე ლიდერობს რუსთავი 2, რომლის შემოსავალი წინა წლის 6 თვესთან შედარებით შემცირდა, ხოლო მაესტროსი გაიზარდა.

ანგარიშში წერია, რომ იმ 8 მაუწყებელს შორის, რომელიც ბაზარზე ფინანსური შემოსავლის მხრივ მოწინავე ადგილებზეა, ტვ ობიექტივი ერთადერთია, სადაც შემომწირველების ხვედრითი წილი (26 წელს: 33,1%; 2015 წელს: 53,6%) შემოსავლის მნიშვნელოვანი შემადგენელია. პატრიოტთა ალიანსთან დაკავშირებულ ტვ ობიექტივს, 2016 წელს, შემოსავლები 2015 წელთან შედარებით 43%-ით გაეზარდა.

ხოლო, ტელეკომპანია პირველის შემთხვევაში, სადაც იმედიდან და მაესტროდან დათხოვნილი თანამშრომლები გადავიდნენ, წინა წლის შესაბამის პერიოდთან შედარებით, შემოსავლების ყველაზე მკვეთრი, 78,8%-იანი ზრდა დაფიქსირდა.

ანგარიშის თანახმად, კლების ტენდენცია იყო ასევე რადიო მაუწყებლების შემოსავლებშიც.