პარლამენტის დეპუტატმა და მართლმადიდებელი საპარლამენტთაშორისო ასამბლეის მასპინძელმა, ზაქარია ქუცნაშილმა აქციის მონაწილეებს პლაკატი დაუხია. პლაკატზე იყო წარწერა "სირცხვილი მთავრობას".

აქციის მონაწილეები რუსი დეპუტატის საქართველოს პარლამენტში ვიზიტის დროს პარლამენტის თავმჯდომარის სკამის დაკავებას აპროტესტებდნენ.

მართლმადიდებელი საპარლამენტთაშორისო ასამბლეის ფარგლებში რუსი დეპუტატები საქართველოს პარლამენტში იყვნენ. დღეს, 20 ივნისს ასამბლეის წევრი, სერგეი გავრილოვი პარლამენტში, ირაკლი კობახიძის სავარძელზე დაჯდა. ეს ფაქტი გააპროტესტა ვიცე-სპიკერმა თამარ ჩუგოშვილმა და პრეზიდენტმა სალომე ზურაბიშვილმა. თავდაპირველად, უმრავლესობის წევრმა, ზაქარია ქუცნაშვილმა თქვა, რომ "სადღაც რუსს რომ დავინახავთ, არ უნდა გავნადგურდეთ", მოგვიანებით კი განმარტა, რომ "თუ საჭიროა, პოლიტიკურ პასუხისმგებლობას აიღებს".