"არ მოგვეშვა ეს ნაციონალური მოძრაობა, აი, ამ ქვეყანას ვერ მოვაშორეთ... დესტრუქციული, დესტრუქციული, დესტრუქციული", — ამის შესახებ საპარლამენტო უმრავლესობის წევრმა, აკაკი ზოიძემ პალიტრანიუსის ეთერში განაცხადა.

მისი თქმით, ამის მიზეზია ის, რომ ქვეყანაში ნორმალური ოპოზიცია არ გამოჩნდა, რომელიც "ამ დესტრუქციულ ძალას" ჩაანაცვლებდა. ზოიძემ ქართული ოცნებიდან წასულებზეც ისაუბრა და თქვა, რომ მისი სურვილია, ისინი წარმატებულები იყვნენ.

"ვისურვებდი, ჩვენ ერთად ვყოფილიყავით წარმატებულები, მათ შორის ქვეყნის მშენებლობაში იმიტომ, რომ ჯანსაღი და ძლიერი ოპოზიციის გარეშე ამ ქვეყანას წარმატება არ უწერია", — თქვა ზოიძემ, რომელმაც აქვე აღნიშნა, რომ ეს ოპოზიცია უნდა იყოს კონსტრუქციული და არა ჩასაფრებული.