თბილისში, წმინდა მიქაელ მთავარანგელოზის საავადმყოფოში პაციენტი ექიმს თავს დაესხა. შემთხვევა 5 იანვარს მოხდა.

როგორც საავადმყოფოს ექიმმა, ზაზა ლურსმანაშვილმა რუსთავი 2-ს უთხრა, თავდასხმის შემდეგ ექიმს გადაუდებელი ოპერაცია დასჭირდა. მისივე თქმით, დაზარალებულს აქვს ჭრილობა და ტვინის შერყევა. ზაზა ლურსმანაშვილის ამბობს, რომ შელაპარაკება პაციენტის შემოსვლიდან რამდენიმე წუთში დაიწყო და მისთვის უცნობია რა გახდა ამის მიზეზი.

თავდამსხმელის დედა ამბობს, რომ მისი შვილი მწვავე ვირუსით მივიდა და საავადმყოფოში რამდენიმე საათის განმავლობაში ტკივილგამაყუჩებელს ითხოვდა. მისივე თქმით, ექიმებმა მას ყურადღება არ მიაქციეს და უხეშად ელაპარაკნენ, რამაც დაპირისპირება გამოიწვია.

როგორც On.ge-ს შინაგან საქმეთა სამინისტროში უთხრეს, აღნიშნულ ფაქტზე გამოძიება ძალადობის მუხლით დაიწყო და უკვე გამოვლენილია ერთი პირი.