მეორე ტურის საარჩევნო კამპანიის პერიოდში მმართველი გუნდის მიერ მხარდაჭერილმა საპრეზიდენტო კანდიდატმა 6-ჯერ მეტი შემოწირულობა მიიღო, ვიდრე გაერთიანებული ოპოზიციის კანდიდატმა, გრიგოლ ვაშაძემ. აუდიტის სამსახურის საიტზე მონაცემები 29 ოქტომბრიდან 26 ნოემბრამდე არის ასახული.

აუდიტის სამსახურის ინფორმაციით, ამ ხნის განმავლობაში ზურაბიშვილმა 4 436 722,73 ლარის შემოწირულობა მიიღო, ხოლო ვაშაძემ — 781 933 ლარის.

კანდიდატების შემოწირულობებს შორის დიდი სხვაობა იყო პირველ ტურშიც. ზურაბიშვილმა 5 395 983 ლარის შემოწირულობა მიიღო, რაც ვაშაძისთვის გადარიცხულ თანხაზე 7-ჯერ მეტია.