რუსთავში მშენებლობლიდან კაცი გადმოვარდა. ამის შესახებ ინფორმაცია On.ge-ს შინაგან საქმეთა სამინისტროში დაუდასტურეს. უწყების განმარტებით, კაცი მშენებლობაზე იყო დასაქმებული.

როგორც რუსთავის ცენტრალურ საავადმყოფოში On.ge-ს განუცხადეს, პაციენტი ამ დროისთვის ხელოვნურ სუნთქვაზეა გადაყვანილი.

"პაციენტი მძიმე მდგომარეობაში რჩება. არის უკანტაქტო თავიდანვე. წნევა არ ესინჯებოდა, პულსი არ ესინჯებოდა. ახლა გადაიყვანეს ხელოვნურ სუნთქვაზე", — განაცხადეს საავადმყოფოში.

შსს-ში ამბობენ, რომ საქმეზე გამოძიება საქართველოს სისხლის სამართლის კოდექსის 240-ე მუხლით მიმდინარეობს. ეს მუხლი გულისხმობს სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას.