ჩრდილოეთ კორეის ლიდერმა კიმ ჩენ ინმა რომის პაპი ფრანცისკე ფხენიანში დაპატიჟა. BBC-ის ცნობით, ამის შესახებ სამხრეთ კორეის პრეზიდენტის ადმინისტრაციამ გაავრცელა განცხადება.

მიპატიჟების შესახებ ცნობას სამხრეთ კორეის პრეზიდენტი მუნ ჯე ინი გადასცემს პაპს. ის ვატიკანს ევროპული ტურნეს ფარგლებში, მომავალ კვირას ეწვევა.

აქამდე ისტორიის განმავლობაში არცერთი პაპი არ ჩასულა ჩრდილოეთ კორეაში, თუმცა პაპი ჯონ პოლ მეორემ მიპატიჟება მიიღო ერთხელ. 2000 წელს კიმ ჩენ ინის მამამ, კიმ ჩენ ილმა პაპი ჯონ პოლ მეორე მიიპატიჟა, მას შემდეგ რაც პაპმა თქვა, რომ "სასწაული" იქნებოდა თუკი იქ ჩასვლას შეძლებდა.

ჩრდილოეთ კორეასა და ვატიკანს არ აქვთ ფორმალური დიპლომატიური ურთიერთობები. შეხვედრისას პრეზიდენტი მუნი პაპს გადასცემს კიმ ჩენ ინის მესიჯს, რომ ის "გულწრფელად მიესალმება პაპის ვიზიტს ფხენიანში".

ჩრდილოეთ კორეის კონსტიტუცია უშვებს "რწმენის უფლებას" და ქვეყანაში არსებობს სახელმწიფოს მიერ კონტროლირებადი ეკლესიები. მიუხედავად ამისა, Amnesty International-ის მკვლევარი ამბობს, რომ რეალურად, ჩრდილოეთ კორეაში არ არსებობს რელიგიის თავისუფლება.