დღეს, პაკისტანში, თვითმკვლელი ტერორისტის აფეთქებას 52 ადამიანის სიცოცხლე ემსხვერპლა, ინფორმაციას ამის შესახებ NBC news ავრცელებს.

პაკისტანში, ბელუჯისტანის პროვინციის დედაქალაქ კვეტაში, საავადმყოფოში აფეთქება იმ დროს მოხდა, როცა იქ გადაასვენეს ამავე დღეს, შეიარაღებული თავდასხმის შედეგად გარდაცვლილი ცნობილი პაკისტანელი ადვოკატის, ბილალ კაშის ცხედარი. შენობაში იმყოფებოდნენ იურისტები და ჟურნალისტები. ამის შესახებ დაზარალებული ჟურნალისტი ზახურ აფრედ ახმიდი AP-სთან ინტერვიუში აცხადებს.

ორგანიზებული დანაშაული კვეტაში უფრო აქტიურდება, აცხადებენ ოფიციალური პირები. ქალაქში გაიზარდა ძალადობის მაჩვენებელი, რასაც სეპარატისტების აჯანყებას უკავშირებენ. თუმცა, ბელუჯისტანის პროვინციის მთავრობის წარმომადგენელი ანვარ კარარი აცხადებს, რომ ეს არ ჰგავს სეპარატისტების ნამოქმედარს.

ფოტო: BANARAS KHAN / AFP - Getty Images

აფეთქებაზე პასუხისმგებლობა არცერთ დაჯგუფებას არ აუღია. ჯერჯერობით უცნობია რამდენად კავშირშია აფეთქება, გარდაცვლილი ადვოკატის ცხედრის გადასვენებასთან. ბელუჯისტანის პროვინციის მთავარი მინისტრი სანაულა ზეჰრი აცხადებს, რომ აფეთქება ტერაქტს ჰგავს, თუმცა ოფიციალურად არ დასტურდება რადგან ჯერ მიმდინარეობს გამოძიება.