რუსეთის საოკუპაციო ძალების წარმომადგენლებმა გორის მუნიციპალიტეტში, საოკუპაციო ხაზთან ერთი პირი დააკავეს. რადიო თავისუფლების ინფორმაციით, დაკავებულია სოფელ ახრისის მკვიდრი, 30 წლის პაატა არაქელოვია.

ინფორმაცია On.ge-ს სახელმწიფო უსაფრთხოების სამსახურმა დაუდასტურა. არაქელოვს ბრალად ედება ე.წ. საზღვრის უკანონო კვეთა. უწყების ცნობით, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია.