კლუბ ბასიანის განცხადებით, 27 მაისს დაგეგმილი რეივ-აქცია აუცილებლად გაიმართება. თუმცა ჯერ უცნობია სად და რა ფორმით გაიმართება აქცია.

კლუბ ბასიანის დაგეგმილი აქციის ღონისძიება "ბრძოლა ბასიანისთვის" ფეისბუქზე წაშლილია. კლუბმა განცხადება, რომ ეს ორგანიზატორებისგან დამოუკიდებლად მოხდა:

"მიგვაჩნია, რომ აქციის გვერდის წაშლა მხოლოდ გაურკვევლობისა და უნდობლობის დათესვას შეიძლება ემსახურებოდეს და ვფიქრობთ რომ პირდაპირი დარტყმის მცდელობაა იმ საპროტესტო მუხტზე, რომელმაც ათასობით ადამიანი უკვე გამოიყვანა აქციაზე".

23 მაისს შსს-მ განაცხადა, რომ კლუბში საგამოძიება მოქმედებეი დასრულდა და შენობას ლუქი ახსნა. როგორც დამფუძნებლები ამბობენ, კლუბი სტუმრებს ივნისის დასაწყისში მიიღებს. მათივე თქმით, ინვენტარი დაზიანებული არ არის.

11 მაისის სპეცოპერაციის შედეგად შსს-მ ნარკორეალიზაების ბრალდებით რვა პირი დააკავა. უწყების განცხადებით, ჩხრეკისთვის ისინი კლუბ ბასიანსა და კაფე გალერიში შევიდნენ, რათა ნარკორელიზატორებსა და კლუბის ინფრასტრუქტურას შორის კავშირი დაედგინა.

თითქმის, ორი კვირის განმავლობაში ბასიანი დახურული იყო. დამფუძნებლები ამბობდნენ, რომ კლუბის გახსნა პოლიტიკური მოტივით იგვიანებს.

გაიგეთ მეტი: