8,2 მაგნიტუდის სიმძლავრის მიწისძვრა მოხდა აშშ-ში, ალასკის სანაპიროდან 282 კილომეტრში. ინფორმაციას CNN ამერიკის შეერთებული შტატების გეოლოგიის სამსახურზე დაყრდნობით ავრცელებს.

მიწისძვრის ეპიცენტრი ალასკის ყურეში, 9 კილომეტრის სიღრმეზე იყო. გამოცხადდა ცუნამის განგაში, რომელიც შეეხო ალასკის სანაპიროს, კანადისა და აშშ-ს დასავლეთ სანაპიროებს. აღნიშნულ ტერიტორიაზე იგრძნობოდა მიწისქვეშა ბიძგებიც.