ბრაზილიაში, ოლიმპიური ჩირაღდნის ანთების ცერემონიისას, იაგუარი მაშინ მოკლეს, როდესაც მან გაქცევა და ჯარისკაცზე თავდასხმა სცადა.

იაგუარი სამხედროებმა სპეციალურად ამ ცერემონიისთვის ამაზონის ზოოპარკიდან გამოიყვანეს.

იაგუარს თავდაპირველად ოთხი ტრანკვილიზატორი ესროლეს, რამაც არ გაამართლა, ამის შემდეგ ის ჯარისკაცმა იარაღით მოკლა.

ცხოველთა დაცვის ორგანიზაცია (PETA) პასუხს მოითხოვს თუ რატომ მიიღეს ცერემონიაზე ცხოველის გამოყვანის გადაწყვეტილება. მათ განცხადებაც გამოაქვეყნეს:

"როდის ვისწავლით? ველური ცხოველების ტყვეობაში ყოფნა და მათთვის იძულება, გააკეთონ ის, რაც ჩვენ გვსურს, ხშირ შემთხვევაში მათთვის საშიში და მტკივნეულია".

ოლიმპიური თამაშების ორგანიზატორები აღიარებენ, რომ ცხოველის გამოყვანის გადაწყვეტილება შეცდომა იყო.

მდედრ იაგუარს ჯუმა ერქვა და ამაზონის ზოოპარკში ბოკვერობის ასაკიდან იზრდებოდა.

ოლიმპიური ჩირაღდანი ბრაზილიას აგვისტოს ოფიციალური ცერემონიის შემდეგ შემოივლის.