"ფაქტია, რომ ჩვენ ირანის აყირავება არ გვაწყობს იმიტომ, რომ დესტაბილიზაციის ჯაჭვი წარმოიშობა ისეთი, რომელიც გასწვდება სპარსეთის ყურეს. აქ უშველებელი საკითხებია, რომელმაც შეიძლება ისეთი ჯაჭვი განავითაროს, რომელშიც აღმოჩნდეს საქართველოც", — ამის შესახებ ოცნების პარლამენტის პირველმა ვიცესპიკერმა, გიორგი ვოლსკიმ სამთავრობო ტელეკომპანია იმედის ეთერში თქვა.

მისი თქმით, "ხელი უნდა შევუწყოთ სომხეთის გავლით აზერბაიჯანის და თურქეთის დერეფნის განვითარებას, მაგრამ ამაზე ყვირილი არასწორია. იგივე ელექტროენერგიის იმპორტი ევროპის მიმართულებით — ჩვენთვის საგანგებო მნიშვნელობის ამოცანაა სამუშაო ადგილების შექმნა საქართველოში, რაც არ უნდა გავაკეთოთ ფასების შემცირებაზე, სტაბილურობის შენარჩუნებაზე, ტერორიზმის წინააღმდეგ ბრძოლაზე. ჩვენ მუდმივად უნდა ვიფიქროთ, რა გავლენა ექნება ამა თუ იმ პროცესს საქართველოზე", — თქვა ვოლსკიმ "იმედის" ეთერში.