30 დეკემბერს, 19:00 საათზე თსუ-ს პირველი კორპუსიდან ელინისტთა და ელინოფილთა მარში დაიძვრება. შეკრებილები მსვლელობით პარლამენტისკენ წავლენ.

"ჩვენ, ქართველი ელინისტები და ელინოფილები, ვუერთდებით საყოველთაო პროტესტს - მოვითხოვთ ხელახალ არჩევნებს და უკანონოდ დაპატიმრებული მოქალაქეების უპირობოდ გათავისუფლებას.

ჩვენ კარგად ვიცით, რას ნიშნავს ევროპული ღირებულებები, დემოკრატია და გამოხატვის თავისუფლება. ერთგულნი ვართ ქართულ-ბერძნული მრავალსაუკუნოვანი ურთიერთობებისა, რომლებსაც საერთო ევროპული ცივილიზაციის სათავეებთან მივყავართ და არ დავუშვებთ ევროპული ოჯახისგან ჩვენი ქვეყნის კიდევ ერთხელ მოწყვეტას!

30 დეკემბერს, 19:00 საათზე თბილისის სახელმწიფო უნივერსიტეტის I კორპუსიდან საქართველოს ელინისტთა და ელინოფილთა მარში პარლამენტისკენ დაიძვრება. Შემოგვიერთდით!", — ნათქვამია გავრცელებულ ინფორმაციაში.