ცუგა, რომელიც ინტერნეტში უამრავი მიმის შთაგონების წყარო იყო, მოკვდა. ამის შესახებ ინფორმაცია კაბოსუს პატრონმა სოციალურ ქსელებში გაავრცელა.

"მისი სიკვდილი უმტკივნეულო და მშვიდი იყო, თითქოს მოფერების დროს ჩაეძინა, როცა ჩემი ხელის სითბოს გრძნობდა", — წერს პატრონი.

კაბოსუ 18 წლის იყო და ლეიკემია და ღვიძლის დაავადება ჰქონდა. იაპონელმა მასწავლებელმა სატომ კაბოსუ 2008 წელს აიყვანა. ცუგა ცნობილი 2010 წელს გახდა, როდესაც სატომ მისი სახალისო ფოტო გამოაქვეყნა და კაბოსუც ე.წ. Doge მიმების შთაგონების წყაროდ იქცა.

მოგვიანებით ცნობილი მიმის მიხედვით კრიპტოვალუტა Dogecoin-იც კი შეიქმნა.