გლობალურმა ტექნოლოგიურმა ბრენდმა HONOR ახალი სმარტფონი X9b გამოუშვა, რომელიც მისაღები ფასით და უამრავი საინტერესო მახასიათებლით გამოირჩევა. სმარტფონი გაძლიერებული კონსტრუქციით ხასიათდება, დაცემის დროს მეტი გამძლეობა კი მის უნიკალურობას განაპირობებს.

გაეცანით სტატიას და აღმოაჩინეთ ახალი HONOR X9b-ს საუკეთესო მახასიათებლები, რომლებიც ახალ მოდელს სხვა კონკურენტებისგან გამოარჩევს.

პრემიალური დიზაინი

HONOR X9b-ს მახასიათებლებში მისი გარეგნული მხარე განსაკუთრებულ ადგილს იკავებს. მართლაც, საშუალო ფასის HONOR X9b-ს თავის ფასთან შედარებით, ბევრად უფრო ძვირადღირებული შესახედაობა აქვს. ამის ყველაზე თვალსაჩინო მაგალითი ნარინჯისფერი მოდელია, რომლის გარეგანი დაფარვა ვიზუალურად და შეხებით ძალიან ჰგავს ტყავს, რაც სმარტფონის ძვირადღირებულ და პრემიალურ შესახედაობას განაპირობებს. კამერის ჩარჩოს და ლოგოს ოქროსფერი გაფორმება კი ჰარმონიულად ეხამება უკანა მხარის დიზაინს და სმარტფონს ფუფუნების საგნის ელფერს აძლევს.

მათთვის კი ვინც უპირატესობას კლასიკურ მოდელს ანიჭებს, ხელმისაწვდომია როგორც შავი, ისე მწვანე ფერის მოდელები. ამ სმარტფონების პრაქტიკულობას მქრქალი/არაპრიალა ზედაპირი განაპირობებს, რომელიც არ ჭუჭყიანდება. ამასთანავე, შავი დიზაინის მოდელის ოქროსფერი გაფორმება მას კიდევ უფრო მეტ დახვეწილობას სძენს.

დაცვა

HONOR X9b-ის შექმნისას, ძალიან დიდი ყურადღება მის დაცვას დაეთმო, რაც სმარტფონის უნიკალურობას უსვამს ხაზს. ახალმა მოდელმა სამდონიანი HONOR Ultra-Bounce დაცვა მიიღო, რომელიც მოწყობილობას მყარ ზედაპირზე დაცემისას მიღებული დაზიანებებისგან იცავს.

ამასთანავე, სპეციალური დიზაინი იცავს სმარტფონის ეკრანს, ჩარჩოსა და შიდა კომპონენტებს, ხოლო ახალი დარტყმის შთამნთქმელი მასალა და გაძლიერებული შუშა ხელს უშლის ნაკაწრების გაჩენას.

გამორჩეული ეკრანი

აღსანიშნავია, რომ HONOR X9b-ს ფლაგმანის დონის მატრიცა აქვს და მისი ეკრანი წარმოადგენს 6,78 დიუმიან AMOLED ეკრანს 1200*2652 მაღალი და 120ჰც-მდე დინამიური გარჩევადობითა და 1200nits-ის მაქსიმალური სიკაშკაშით. შედეგად, მზის პირდაპირ შუქზეც კი ძალიან მარტივია ეკრანის წაკითხვა, რომელის გამოსახულებაც ყოველთვის ნათელი და კონტრასტულია.

კომპანიაში უსაფრთხოებაზე ძალიან ბევრს ზრუნავენ, ამიტომ HONOR X9b გამოირჩევა მრავლდონიანი მხედველობის დაცვის სისტემით, რომლის მაღალი სიხშირის PWM არ ძაბავს თვალს. ამასთანავე, ეკრანის განათება ადაპტირდება გარემო პირობებზე. მაგალითად, დაბნელებასთან ერთად სისტემა ცისფერი შუქის დონეს ამცირებს, რომ ძილის წინ მელატონინის გამომუშავებას ხელი არ შეუშალოს.

ერთი დატენვა — სამი დღის სამყოფი ენერგია

საინტერესოა, რომ თხელი პროფილის მიუხედავად, HONOR X9b-ს 5800MAH მოცულობის სიმძლავრის და ულტრა მაღალი სიმკვრივის ბატარეა აქვს, რომელიც გამძლეობითა და მაღალი ავტონომიით გამოირჩევა. შედეგად, სმარტფონის ერთი დატენვა საკმარისია როგორც სამდღიანი მუშაობისთვის, ისე ონლაინ 12 საათიანი შეუწყვეტელი თამაშისთვის.

უნიკალური მახასიათებლები

მძლავრ Snapdragon 6 Gen 1 პროცესორთან ერთად, HONOR X9b-ს 12GB ოპერატიული და 256GB შიდა მეხსიერება აქვს. აღსანიშნავია, რომ თუ ოპერატიული მეხსიერება საკმარისი არ იქნება, სისტემა მომხმარებელს დამატებით 8GB მეხსიერებას შესთავაზებს, 20GB ოპერატიული მეხსიერება კი მას მრავალი აპლიკაციით სარგებლობის საშუალებას მისცემს.

იგრძენით თავი ფოტოგრაფად

ახალ სმარტფონი ოთხი კამერით არის აღჭურვილი: 16 მეგაპიქსელი სელფისთვის, 2 მეგაპიქსელი სუპერმაკროსთვის, 5 მეგაპიქსელი განიერი ფოტოების გადასაღებად და 100 მეგაპიქსელიანი მთავარი კამერა, რომლის საშუალებითაც ყველაზე შორეული ობიექტების მოახლოება და გადაღებაც კი არის შესაძლებელი.

ფასი და ხელმისაწვდომობა

საქართველოს ბაზარზე სმარტფონი ნარინჯისფერ, მწვანე და შავ ფერებშია წარმოდგენილი. მომხმარებლებს კი ექნებათ შესაძლებლობა შეიძინონ 8GB ოპერატიული და 256GB შიდა მეხსიერების მოდელი 829 ლარიდან ან 12GB ოპერატიული და 256GB შიდა მეხსიერების მოდელი 899 ლარად. HONOR X9b-ს შეძენა შესაძლებელია ალტასა და ელიტ ელექტრონიქსის მაღაზიებში, სადაც ამ გამორჩეული სმარტფონის 8 იანვრამდე შეძენისას, მომხმარებელი საჩუქრად მიიღებს უსადენო ყურსასმენებს HONOR CHOICE Earbuds X5.