მიმდინარე წლის პირველ ექვს თვეში (იანვარი - ივნისი) საქართველოში საქონლით საგარეო სავაჭრო ბრუნვა 4 829,9 მილიონ ამერიკულ დოლარს გაუტოლდა. ეს მაჩვენებელი წინა წლის იმავე პერიოდის მონაცემს 13,8 პროცენტით აღემატება. სავაჭრო ბრუნვის მონაცემებს საქსტატი აქვეყნებს.

მათივე ინფორმაციით, 2017 წლის პირველ ექვს თვეში ექსპორტი 1 249,5 მილიონი აშშ დოლარი იყო, რაც წინა წლის მაჩვენებელზე 31,8 პროცენტით მეტია. ამავე პერიოდში იმპორტი 3 580,3 მილიონი აშშ დოლარი იყო, რაც წინა წლის მაჩვენებელს 8,6 პროცენტით უსწრებს.

სავაჭრო ბალანსი 2017 წლის იანვარ-ივნისში 2 330,8 მილიონი აშშ დოლარი იყო და საგარეო სავაჭრო ბრუნვის 48,3 პროცენტი შეადგინა.