უხოური მედია წერს, რომ რიანასა და რეპერ A$AP Rocky-ს მეორე შვილი შეეძინათ. თებერვალში რიანამ საზოგადოებას ორსულობის შესახებ Super Bowl-ზე გამოჩენით ამცნო. ინტერვიუებში კი განაცხადა, რომ მეორე ორსულობისას ყველაფერი განსხვავებულია, თუმცა თავს ენერგიულად და ბედნიერად გრძნობს.

მომღერალს ჩვეული სტილი ორსულობის გამო არ შეუცვლია და მუცელს ყველა ღონისძიებასა თუ უბრალოდ გარეთ გასვლისას თამამად აჩენდა. გამოცემა ვოგთან საუბრისას მუსიკოსმა აღნიშნა, რომ ამაყობს საკუთარი სხეულითა და მუცლით, რომლითაც შვილს ატარებს და იმედი აქვს, მსგავსი ჩაცმულობით შეცვლის საზოგადოებაში დამკვიდრებულ აზრს იმის შესახებ, თუ რისი ჩაცმა "შეეფერება" ორსულ ქალს.

რეპერ A$AP Rocky-სა და რიანას 2022 წლის მაისში პირველი შვილი შეეძინათ, თუმცა თვეების განმავლობაში არც ბავშვის ფოტოები გაუზიარებიათ სოციალურ ქსელებში და არც მისი სახელი.

მომღერლებმა მრავალწლიანი მეგობრობის შემდეგ სასიყვარულო ურთიერთობა 2020 წლის ნოემბერში დაიწყეს, ახლა კი უკვე ოჯახური იდილიით ტკბებიან — რეპერის თქმით, რიანასა და მათ შვილთან ერთად სახლში ყოფნა მისთვის სამოთხეა.

2020 წელს Vogue-თან ინტერვიუში რიანამ განაცხადა, რომ ცხოვრების შეცვლას სურს და შემდეგი 10 წლის განმავლობაში აპირებს, რომ სამი ან ოთხში შვილი ჰყავდეს. გასული წლის მაისში A$AP Rocky-მ GQ-თან ინტერვიუში რიანას შესახებ ისაუბრა და მომღერალს "ცხოვრების სიყვარული" უწოდა.

იხილეთ ასევე: