ჰეჯ-ფონდები (Hedge Fund) ისეთი საფინანსო ინსტიტუტები არიან, რომლებიც ცნობილი ინვესტორების ქონებას აკონტროლებენ და მათ მილიარდობით დოლარებს აქციებში აბანდებენ.

ცოტა ხნის წინ მსხვილმა ჰეჯ-ფონდებმა კვარტალური ანგარიშები გამოაქვეყნეს, რომლის მიხედვითაც ცხადი გახდა, თუ რომელი აქციებია ახლა მათი ყურადღების ცენტრში.

როგორც აღმოჩნდა, მსოფლიოს უმსხვილესი ჰეჯ-ფონდები სწორედ იმ აქციებს ყიდულობენ, რომლებიც უშუალო კავშირში არიან ხელოვნურ ინტელექტთან. მაგალითად, სტენლი დრაკენმილერისა და დეივიდ ტეპერის ფონდებმა ფული ჩადეს Microsoft-სა და Nvidia-ში.

ცნობილია, რომ ეს კომპანიები თავის პროდუქტებს ხელოვნურ ინტელექტთან აქტიურად აკავშირებენ. ეს არის მთავარი მიზეზი, რის გამოც ამ კომპანიებს ზრდას უწინასწარმეტყველებენ.

გარდა ამისა, ჰეჯ-ფონდების ანგარიშებიდან ირკვევა, რომ ბილ აკმარისა და დანიელ ლობის ფონდებმა ძალიან დიდი პოზიცია გახსნეს Alphabet-ში, რომელიც Google-ის დედა კომპანიაა.

ბოლო პერიოდში ხელოვნური ინტელექტი მუდმივად ყურადღების ცენტრშია. ამას მასთან დაკავშირებული კომპანიების ზრდაც ადასტურებს და ის ინტერესიც, რასაც მისდამი ინვესტირებაში გამოცდილი ადამიანები და ინსტიტუტები იჩენენ.

  • Microsoft (MSFT) — ამ კომპანიის აქციების ღირებულება, მიმდინარე წლის დასაწყისთან შედარებით, 38%-ით არის გაზრდილი და ამჟამად, მისი ერთი აქცია 325 დოლარად ივაჭრება;
  • Nvidia (NVDA) — ჩიპების მწარმოებელმა ამ კომპანიამ ბოლო პერიოდში განსაკუთრებული ზრდა აჩვენა. 2023 წლის დასაწყისთან შედარებით, მისი აქციები 169%-ით არის გაზრდილი. ბოლო მონაცემებით, Nvidia-ს ერთ აქციას 385 დოლარად შეიძენ;
  • Alphabet (GOOG) — როგორც ცნობილია, ეს Google-ის დედა კომპანიაა, რომლის მიმართაც ინტერესი არასდროს ნელდება. Alphabet-მა წლის დასაწყისთან შედარებით აქციების ღირებულება 41%-ით გაზარდა. ბოლო მაჩვენებლებით, მისი ერთი აქციის ფასი 122 დოლარია.

ინვესტირებისას მნიშვნელოვანია, რომ ისეთი კომპანიებს დავაკვირდეთ, რომლებიც სტაბილურად იზრდებიან. მთავარია, ზრდის მიზეზების შესახებ ინფორმაციასაც ამომწურავად ვფლობდეთ. თუ საინვესტიციო სიახლეები გაინტერესებს და გინდა, რომ ამ თემასთან დაკავშირებით მუდმივად საქმის კურსში იყო, არ გამოტოვო საქართველოს ბანკისა და Galt&Taggart-ის ყოველკვირეული მიმოხილვები, სადაც საინვესტიციო სამყაროზე უამრავ საინტერესო სიახლეს გაიგებ.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.