ინვესტირების დაწყებამდე ყველაზე ლოგიკური ნაბიჯი ინფორმაციის მოძიებაა. მთავარი კითხვა, რომელიც ამ დროს უნდა დასვა, შემდეგია — სად შეიძლება თანხის ისე დაბანდება, რომ მაქსიმალური მოგება მივიღო? საინვესტიციო სამყაროში ინფორმაციის მოძიება ცალკე ხელოვნებაა, პროცესის დაწყებამდე კი რამდენიმე რჩევას შემოგთავაზებთ:

1. განსაზღვრე საფონდო ბირჟის დინამიკა

პირველ რიგში, მნიშვნელოვანია იმის ცოდნა, ბაზარი აღმავალ ტრენდშია თუ დაღმავალში. სხვაგვარად, ამ ორ ტრენდს Bear Market და Bull Market-ს უწოდებენ.

შემდეგი ნაბიჯი კონკრეტულ ინდუსტრიებში ბაზრის დინამიკის განსაზღვრას გულისხმობს. ხშირად ხდება ისე, რომ მთლიანად ბირჟაზე დაღმავალი ტენდენცია შეინიშნება, თუმცა, რომელიმე კონკრეტული ინდუსტრია წარმატებით ფუნქციონირებს და კომპანიის აქციის ფასები მზარდია.

2. მოიძიე სანდო საინვესტიციო წყაროები

ხშირად შეხვდები ჯგუფებს სოციალურ ქსელებში, რომლებიც გთავაზობენ "უტყუარ" ინფორმაციას ინვესტირების შესახებ. თუმცა, არ შეცდე! "ყველაზე" სანდო ინფორმაცია სპეციალურად ბირჟების მიერ შექმნილი, რამდენიმე ათეული წლის ისტორიის მქონე, ონლაინ თუ ბეჭდური გამოცემებია, სადაც გამოცდილი ანალიტიკოსები ყოველდღიურად აფასებენ საფონდო ბირჟებს, ინდუსტრიებს, სექტორებს და ცალკეულ კომპანიებსაც კი. მიუხედავად ანალიზისა, საინვესტიციო რჩევებს ისინიც ვერ მოგცემენ, გადაწყვეტილება თავად უნდა მიიღო.

გამოიწერე საქართველოს ბანკის ინვესტიციების გვერდი ფეისბუქზე და გაეცანი განახლებად ინფორმაციას აქციებით ვაჭრობის შესახებ.

3. აიღე მაგალითი გამოცდილი ინვესტორებისგან

ვინაიდან მაღალშემოსავლიანი ინვესტორებისა და ბიზნესმენების ქონების დეკლარაცია საჯაროა, ხოლო საფონდო ბირჟაზე ინვესტირება და კომპანიების აქციების ფლობა მათი შემოსავლის ერთ-ერთი წყაროა, ბოლო დროს ხშირად გვხვდება პლატფორმები, სადაც ამ ადამიანების პორტფელების განაწილებას ნახავ. თუმცა, ინფორმაციის მიღების ეს მეთოდი გარკვეულ რისკსაც შეიცავს — გამოცდილ ინვესტორებს დაზღვეული აქვთ ზარალი და "თავს უფლებას აძლევენ", გარკვეული დანაკარგი "აიტანონ". დამატებით, მათ პორტფელებს გამოცდილი ანალიტიკოსები მართავენ და არა უშუალოდ ინვესტორები.

4. გამოცდილება და ისევ გამოცდილება

მნიშვნელობა არ აქვს, რამდენად გამოცდილი ინვესტორი ხარ, შენზე გამოცდილი ყოველთვის იარსებებს და მისი სტრატეგია შეიძლება შენთვისაც მომგებიანი იყოს. ინვესტორებთან ერთად, კიდევ უფრო სისტემური მიდგომა აქვთ საინვესტიციო კომპანიებს, განსაკუთრებით ჰეჯ ფონდებს.

ჰეჯ ფონდი ფინანსურ ორგანოებში დაურეგისტრირებელი საინვესტიციო ფონდია, რომელიც მოგების გასაზრდელად ფინანსური ინსტრუმენტების ფართო მეთოდებს იყენებს და ინვესტირებას ახდენს ყველა ტიპის საფინანსო ბაზრებზე.

თუ ჰეჯ ფონდების აქტივობას თვალს მიადევნებ, შესაძლებელი იქნება გარკვეული სტრატეგიაც შეიმუშაო — სად და რატომ იქნება მომგებიანი ინვესტირება, რა დინამიკაა ბაზარზე და სხვა მსგავს შეკითხვებს პასუხიც გარკვეულწილად გაეცემა.

როგორ უნდა ნახო, სად აბანდებს ფულს ჰეჯ ფონდი? ყველა დიდი კომპანიის მსგავსად, ჰეჯ ჰონდებიც აქვეყნებენ კვარტალურ ანგარიშებს, პორტფოლიოს და სხვა ფინანსურ დოკუმენტებს. სწორედ მათ უნდა ადევნო თვალი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.