Foreign Press USA-ს კორესპონდენტი ალექს რაუფოღლუ წერს, რომ MEGOBARI აქტის მიღებას 3 სენატორი — მარკვეინ მულინი, მაიკ ლი, რენდ პოლი აფერხებენ.

"MEGOBARI აქტი, ორპარტიულ სასიცოცხლოდ მნიშვნელოვან კანონპროექტს, რომელიც პუტინის მარიონეტებს სანქციებს აწესებს და მხარს უჭერს საქართველოს ევროატლანტიკურ მომავალს, სენატორების მიერ ფერხდება: მარკვეინ მულინი, მაიკ ლი, რენდ პოლი.

ჩემი ერთადერთი კითხვაა, რატომ... ეს სასიცოცხლოდ მნიშვნელოვანი კანონპროექტი მიღებულ იქნა წარმომადგენელთა პალატასა და აშშ-ის სენატის საგარეო ურთიერთობების კომიტეტის მიერ", — წერს რაუფოღლუ.

შეგახსენებთ, რომ მიმდინარე წლის 7 მაისს "MEGOBARI აქტი" სენატმა მიიღო განსახილველად და კალენდარში ჩასვა. მანამდე, 6 მაისს, წარმომადგენელთა პალატაში "MEGOBARI აქტს" მხარი 349 კონგრესმენმა დაუჭირა, რაც კანონპროექტის 80%-იანი მხარდაჭერაა. მის წინააღმდეგ ხმა 42-მა კონგრესმენმა მისცა.

წარმომადგენელთა პალატაში კენჭისყრას წინ უსწრებდა დებატები "MEGOBARI აქტის" შესახებ. სიტყვით გამოვიდა ხუთი კანონმდებელი, სამი რესპუბლიკელი და ორი დემოკრატი: რესპუბლიკელები — ბრაიან მასტი (პალატის საგარეო ურთიერთობათა კომიტეტის თავმჯდომარე), ჯო უილსონი და უორენ დევიდსონი და დემოკრატები ჯონი ოშესკი და სტივ კოენი. აქედან ოთხმა მხარი დაუჭირა "MEGOBARI აქტის" მიღებას, ერთი, რესპუბლიკელი უორენ დევიდსონი წინააღმდეგი იყო.

წარმომადგენელთა პალატის შემდეგ, სანამ კანონპროექტი ხელმოსაწერად პრეზიდენტ დონალდ ტრამპამდე მიაღწევს, ის სენატმაც უნდა დაამტკიცოს.

მეტი "MEGOBARI აქტის" შესახებ: