„ყველა დავალება შეასრულე?“

ბოლო რამდენიმე კვირაა, ორშაბათობით მობილბანკის მომხმარებლები ერთმანეთს ამ შეკითხვას უსვამენ. ამ დღემ დამატებითი, განსაკუთრებული მნიშვნელობა შეიძინა, რადგან სწორედ ორშაბათს ემატება საქართველოს ბანკის თამაშში ახალი დავალებები.

თუ თამაშს თამაშობ, გეცოდინება, რომ კითხვები რთული საერთოდაც არ არის, უბრალოდ საჭიროა დაფიქრება, ლოგიკის ჩართვა და ეგ არის — პასუხსაც მარტივად იპოვი. თუმცა, თუ მაინც და მაინც ბევრი ფიქრი გეზარება და გირჩევნია, რაც შეიძლება სწრაფად შეასრულო დავალებები, რათა მონეტები დააგროვო, მაშინ რამდენიმე ხრიკს გასწავლით, როგორ გახვიდე ფონს მარტივად!

Facebook ჯგუფები

თამაშმა მთელი საქართველო მოიცვა — ყველა ამაზე ლაპარაკობს და აზრებს ცვლის, კონკრეტულ კითხვაზე ვინ რა პასუხი გასცა. სწორი პასუხის ძებნაში დაგეხმარება Facebook ჯგუფები, სადაც ბევრი ადამიანია გაწევრიანებული და ისინი, განსაკუთრებით ორშაბათობით, აქტიურად განიხილავენ კითხვებსა და მათ შესაძლო პასუხებს. თუ ამ ჯგუფებში გაწევრიანდები და თვალს მიადევნებ, ყველა კითხვაზე იპოვი პასუხს.

Google

ბევრ დავალებაში ფოტოებია გამოყენებული, რომლებიც პასუხისთვის საკვანძო დეტალებია. შეგიძლია, ეს ფოტო მოსქრინო და გუგლში ჩააგდო, ამ ფორმით ფოტოზე ბევრ საინტერესო ინფორმაციას მიიღებ, რაც, შესაძლოა, პასუხთან მისვლაში დაგეხმაროს. მეტიც, სავსებით შესაძლებელია, ფოტოს დაგუგვლით პირდაპირ პასუხიც კი იპოვო.

არ იჩქარო

კითხვები ყოველ ორშაბათს ემატება, პასუხის გასაცემად კი მთელი კვირა გაქვს, ამიტომ, ნუ იჩქარებ. ეს დრო მაქსიმალურად გამოიყენე და კითხვებს მაშინ ჩაუჯექი, როცა გონების გავარჯიშებისა და ლოგიკური დავალებების შესრულების ხასიათზე იქნები. ან საერთოდაც დაელოდე, როდის უპასუხებენ შენი მეგობრები შეკითხვებს — ასე გაიგებ სწორ პასუხებს. ოღონდ, თუ მონეტებს ფინალისთვის არ ინახავ და საჩუქრების ორთაბრძოლაში ერთვები ხოლმე, დავალებები მაქსიმუმ პარასკევამდე შეასრულე, რადგან მარკეტის გახსნას მეტი მონეტით შეხვდე — მეტი საჩუქარი რომ იყიდო.

გადაავლე თვალი წინა კვირების დავალებებს

როგორც ზემოთ ვახსენეთ, თამაშის დავალებებს აქტიურად განიხილავენ Facebook ჯგუფებში. აქ შეძლებ წინა კვირების დავალებების ნახვასაც, ეს ჯგუფები თამაშის დაწყებიდან დღემდე სრულ არქივს ინახავს. ძველი დავალებებისთვის თვალის გადავლება კი გონების გავარჯიშებაში დაგეხმარება და ახალ კითხვებსაც უფრო მონდომებით და გახსნილი გონებით უპასუხებ.

შეასრულე ბოლო დავალება დამატებითი მონეტებისთვის

თამაშის ბოლო დავალებაზე უკვე გეცოდინება, რომ ამ კონკრეტული დავალების შეცვლა კვირაში 4-ჯერ შეგიძლია, შეცვლის შემდეგ კი წინა პირობას ვერ დააბრუნებ. ასევე გახსოვდეს რომ დავალების შეცვლაში მონეტები არ გაკლდება.

ეს 5 რჩევა აუცილებლად გამოგადგება, რათა კითხვებზე პასუხი მარტივად იპოვო და ფინალში მოხვდე. და თუ ჯერ კიდევ არ ხარ ჩართული ამ საინტერესო თავგადასავალში, გადმოიწერე მობილბანკი და დაიწყე თამაში.