ეს სტატია შეიძლება მხოლოდ ინტერესის გამო გახსენი, მაგრამ მის მთავარ გმირს, დიდი ალბათობით, უკვე იცნობ.

ჟღალ-თეთრი კატა, სახელად ნალა, ინტერნეტმომხმარებლებმა "სადგურის ფისოდ" გაიცნეს. ინგლისის ერთ-ერთი ქალაქის მეტროსადგურში ნალა დროდადრო კონტროლიორად "მუშაობს" ხოლმე და მისი მეტსახელიც ამას უკავშირდება. ოთხი წლის ფისოს ვიდეოებს ტიკტოკზე მილიონობით ნახვა აქვთ.

ახლა კი, როგორც ჩანს, ნალა უფრო დიდი აუდიტორიის დასაპყრობად ემზადება. სწორედ ამ მიზნით გამოუშვა ფისომ თავისი პირველი სინგლი, საშობაო სიმღერა მიაუ. კატის პატრონის, ნატაშა ემბლერის თქმით, წიგნის გამოცემაზეც კი მიმდინარეობს მოლაპარაკებები...

მიაუ მუსიკოსებმა ჯო კილინგტონმა და დენი კირშმა დაწერეს, მაგრამ ნალა ასევე მითითებულია სიმღერის ავტორად და შემსრულებლად. სინგლი BBC-ის რადიოში უკვე გაჟღერდა, სულ მალე კი სტრიმინგ პლატფორმებზეც განთავსდება. ფისოს საყვარელ სადგურზე მიმდინარეობს ვიდეოკლიპის გადაღებებიც.

@nala_station_cat 🐈 🎤 🎄 Listen to Nala’s Christmas feature on Scott Mills Radio 2 show today! Few updates about the single: • Will be released this week across all platforms • All sales proceeds to charity: 50% to RSPCA, 50% to local charity Feed Up, Warm Up • Music Video currently in production and will be released shortly! #nalastationcat #theadventuresofnala #nalaforchristmasno1 #stevenage #charitysingle #famouscats #catsoftiktok #rspca ♬ original sound - The Adventures Of Nala

ნატაშა იმედოვნებს, რომ მისი ფისოს სადებიუტო სინგლი ბრიტანულ ჩარტებში აღმოჩნდება — "პირველი ადგილი შესანიშნავი იქნებოდა". მისივე თქმით, ნალას ჯერ აგენტი არ ჰყავს, ამდენად მეილებზე პასუხის გაცემაც ერთობლივი ძალებით უხდებათ ხოლმე.

@nala_station_cat Nala’s been busy working on something special for you guys, can you guess what it is? 🎶🎤👀 #nalastationcat #nala #theadventuresofnala #stevenage #stationcat #catsoftiktok ♬ Meow by Nala the Station Cat instrumental - The Adventures Of Nala

აღსანიშნავია ისიც, რომ ნალას სინგლის მთლიანი შემოსავალი ცხოველთა ორ თავშესაფარს გადაერიცხება ბრიტანეთში.