ცოტა ხნის წინ ცნობილი გახდა, რომ სერიალი ხელოვნური სუნთქვა მე-3 სეზონით ბრუნდება, რომელსაც კავეას ონლაინ კინოთეატრში ვიხილავთ. კავეა+-ის ფეისბუქის პოსტიდან ვიგებთ, სერიალის მე-3 სეზონის პირველ სერიას მაყურებელი 14 იანვარს იხილავს, ხოლო მეორე სერიას — 15 იანვარს.

შეგახსენებთ, რომ ხელოვნური სუნთქვა ფორმულა კრეატივმა 2016 წელს გადაიღო. მას რამდენიმე თვისა და ორი სეზონის განმავლობაში მაყურებელი აქტიურად ადევნებდა თვალს. წლის მიწურულს ცნობილი გახდა, რომ პროექტი ფინანსური მდგომარეობის გამო აღარ გაგრძელდებოდა.

სერიალის ტრეილერი უკვე გამოვიდა, რომლიდანაც ვიგებთ, რომ ახალ სეზონში მოქმედება ბოლო მოვლენებიდან 5 წლის შემდეგ ვითარდება. ახალი სეზონის გამოსვლამდე სულ ცოტა დრო რჩება, თუმცა, თუ მანამდე წინა სეზონების გადამეორებას მოისურვებთ, ამას კავეა+-ის ონლაინ კინოთეატრში შეძლებთ.