გაინტერესებთ როგორ შეფასებებს დატოვებდა დონალდ ტრამპი TripAdvisor-ზე დონალდ ტრამპი? ეს რევიუები, რომელიც Mashable-მა გამოაქვეყნა, იმდენად რეალურად გამოიყურება, რომ ძალიან ბევრი მკითხველი დააბნია კიდეც.

1. მურაბას სასახლე (რიადი, საუდის არაბეთი)

"ძალიან მაგარი ადგილია. დიდი, ლამაზი სასახლე. სადაც არ უნდა გაიხედო ოქროა. ძალიან კარგი მომსახურეობაა. ძალიან ვუყვარვარ აქ. ობამა არ უყვარდათ, მე ვუყვარვარ. ხელმისაწვდომი ფასებია. იარაღიც კაი ფასად მივყიდე. ბიზნესისთვის შესანიშნავი ადგილია. რეკომენდაციას ვუწევ ამ სასახლეს".

2. მასადა (ისრაელი)

"უბრალოდ საშინელებაა! რაღაც ძველი ციხე-სიმაგრე ყოფილა, მაგრამ ჩემზე შთაბეჭდილება ვერ მოახდინა. როგორ აჰყავთ ხალხი აქ? პრეზიდენტი საბაგიროებით არ უნდა დადიოდეს. ძალიან საშიშია. საზიზღრობაა".

3. გოდების კედელი (ისრაელი)

"ამ კედელთან ყოფნისას ჩემს მეგობრებს ვუთხარი, აი, ასეთი უნდა ავაშენოთ-თქო. დემოკრატებს ალბათ არ მოეწონებათ, მაგრამ ჩვენი ისრაელელი მეგობრებისგან რაღაცები უნდა ვისწავლოთ. კედლების შენებაში ისრაელი ჩვენზე წინაა წასული. რამე სასუნავი რომ მქონოდა კარგი იქნებოდა. ძალიან მშიოდა".

4. ვატიკანი

"მიყვარს პაპი ფრანცისკე. და მასაც ვუყვარვარ! მაგრამ რომ არ მეთქვა არ შეიძლებოდა: ფრანცისკ, შენი სახლი მტვერმოდებულს ჰგავს. ანუ თუ სახლში მსოფლიოს ლიდერებს ეპატიჟები თანამედროვე და ხალიჩა უნდა გქონდეს. ამის ხალიჩამ თვალები მატკინა. რაღაც მოსაწყენი ნახატები ეკიდა კიდე და ყიდვა მინდოდა და მისმა ხალხმა ყვირილი დაიწყო. საშოპინგოდ საშინელი ადგილია".

5. ბრიუსელი (ბელგია)

"ბევრჯერ მითქვამს, ბრიუსელი საშინელებაა. ყველგან კრიმინალია და NATO-ს შტაბბინაში მომსახურება არ მომეწონა. სულ დიდი და მოსაწყენი შეხვედრებია. საშინელ სკამებზე ჯდომა გიწევს. ხერხემალი მეტკინა. ანგელა მერკელმა ნამცხვარიც არ გადმომაწოდა, არადა ვთხოვე."

6. იტალია

"იტალიელები ძალიან მეცოდებიან! ძალიან ცხელა და კედლები ინგრევა. რაღაც მოსაწყენ და უსარგებლო შეხვედრაზე დამსვეს. იტალიაში ტვიტერის გამოყენება რო არ შეიძლება იცოდით? ჩემი თანამშრომლები ძალიან ეცადნენ, მაგრამ ტელეფონითაც ვერ დამაკავშირეს ტვიტერთან. რა უნდა ვთქვა? სახლს არაფერი სჯობს".

როგორც ზემოთ აღვნიშნეთ, ეს ტექსტი ბევრ ადამიანს რეალურად მოეჩვენა და ბევრმა დაიჯერა კიდეც, რომ ტრამპი ტვიტერის მერე თრიფედვაიზორსაც მისდგა.