შინაგან საქმეთა სამინისტროს ინფორმაციით, რუსთავში ტექნიკის ლომბარდის ძარცვის ბრალდებით ერთი პირი დააკავეს. უწყების თქმით, 21 ნოემბერს ბრალდებულმა ლომბარდის ოპერატორს 1500 ლარი გასტაცა და ადგილიდან მიიმალა.

შსს-ს განმარტებით, დაკავებული ჩადენილ დანაშაულს აღიარებს. გამოძიება ძარცვის ფაქტზე მიმდინარეობს, რამაც მნიშვნელოვანი ზიანი გამოიწვია (საქართველოს სისხლის სამართლის კოდექსის 178-ე მუხლის მე-2 ნაწილით) და ისჯება თავისუფლების აღკვეთით ვადით ოთხიდან ექვს წლამდე.