ძიუდოს ფედერაციის პრეზიდენტი გადადგა. ამის შესახებ ქევხიშვილმა ფეისბუქზე დაწრა.

მისი გადგომის მოთხოვნით აქცია არაერთხელ გაიმართა. ძიუდოს ფედერაციაში არსებულ პრობლემებზე საუბრობდნენ მმართველ გუნდშიც.

სპორტის სამინისტროში On.ge-ს განუცხადეს, რომ მათაც ამ ფეისბუქის პოსტით გაიგეს ქევხიშვილის გადაწყვეტილების შესახებ და ის სატელეფონო ზარებს არ პასუხობს.

"რა თქმა უნდა, აქამდეც შემოძლო ამ გადაწყვეტილების მიღება მაგრამ მხოლოდ იმიტომ, რომ ამას ითხოვდნენ პიროვნულ ინტერესებზე ორიენტირებული ძალები ეს არ გავაკეთე. არ გავაკეთე არა პირადი, არამედ ძიუდოს იტერესებიდან გამომდინარე, რამეთუ პრინციპული პოზიცია, დაცვა სიმართლის და შესაბამისად სამართლებრივი ინსტიტუტების დღეს როგორც არასდროს, არამხოლოდ სპორტის, არამედ ყველა სხვა სახელმწიფოებრივ სტრუქტურასთან მიმართებაში არის სასიცოცხლოდ მნიშვნელოვანი ჩვენი ქვეყნის მომავალი განვითარებისთვის", - წერს ქევხიშვილი.

მისი თქმით, თანამდებობას იმ მიზეზით ტოვებს, რომ ყველა იმ ძიუდოისტს, რომელიც ორიენტირებულია თავის საქმის ღირსეულად კეთებაზე, მიეცეს მშვიდ ვითარებაში საქმის კეთების საშუალება და არგახდნენ პროვოკაციის მსხვერპლნი.

"დარწმუნებული ვარ, რომ ის პროექტები რომელიც უკანასკნელ პერიოდში დიდი ძალისხმევის და შრომის ფასად შევქმენით ძალიან მალე კიდევ უფრო დიდ წარმატებას მოუტანს ქართულ ძიუდოს და ჩვენს ქვეყანას", - წერს ის.

ამავე თემაზე: